“ⵠ” ⵖ ⵜⵎⴰⵣⵉⵖⵜ

ⴰⵙⵎⴰⴷ ⴼ ⵜⵙⴷⴷⵉⵜ ⵏ ⵉⵙⴽⴽⵉⵍⵏ:

ⴰⵙⵙ ⴰⴷ ⵔⴰⴷ ⵏⵙⴰⵡⵍ ⴼ ⵓⵙⴽⴽⵉⵍ ⵏ “ⵠ” / V, ⴰⵡⴷ ⵏⵜⵜⴰ ⵓⵔ ⵉⴳⵉ ⴰⵎⵍⴰⵍ ⵖ ⵜⵎⴰⵣⵉⵖⵜ, ⵡⴰⵅⵅⴰ ⵍⵍⴰⵏⵜ ⴽⵔⴰ ⵏ ⵜⵓⵜⵍⴰⵢⵉⵏ ⵜⵉⵎⴰⵣⵉⵖⵉⵏ ⴰⵔ ⵙⵏⴼⴰⵍⵏⵜ “ⴱ” ⵙ “ⵠ” ⴷ “ⴲ” / β.

ⵎⴰ ⵙ ⵏⵙⵙⵏ ⵉⵙ ⴰⵡⴰⵍ ⴰ ⵉⴳⴰ ⴰⵎⴷⴷⴰⴷ/ⵉⵎⵉⴷⵉ?

ⴰⵙⵓⵙⵔⵓ ⵏ ⵉⵡⵙⵙⴰⵔⵏ!

ⵉⵖ ⴷ ⵜⵓⵙⵉ ⵜⵎⴰⵣⵉⵖⵜ ⴽⵔⴰ ⵏ ⵜⴳⵓⵔⵉ ⵏⵏⴰ ⵖ ⵉⵍⵍⴰ ⵓⵙⴽⴽⵉⵍ ⵏ “ⵠ” ⴰⵔ ⴷ ⵉⵜⵜⴰⵖⵓⵍ ⵉⴳⴰ “ⴱ“.

ⵉⵎⴷⵢⴰⵜⵏ:
Valise → ⵍⴱⴰⵍⵉⵣⴰ
Vernis → ⵍⴱⵉⵔⵏⵉ
Lavabo → ⵍⴰⴱⴰⴱⵓ
Vacance → ⵍⴱⴰⴽⴰⵏⵚ
Télévision → ⵜⵜⵉⵍⵉⴱⵉⵣⵢⵓⵏ
Vidéo → ⵍⴱⵉⴷⵢⵓ
Avocate → ⵍⴰⴱⵓⴽⴰ
ⴰⵜⴳ…

ⴷ ⵖ ⵓⴳⵯⵏⵙ ⵏ ⵡⴰⵍⵙⵉⵡⵏ ⵉⵎⴰⵣⵉⵖⵏ ⴰⵔ ⵏⵜⵜⴰⴼⵉ ⵎⴽⵍⵍⵉ ⵙ ⵏⵏⵉⵖ ⴰⵙⴽⴽⵉⵍ ⵏ “ⴱ” ⴰⵔ ⵉⵜⵜⴳⴳⴰ “ⵠ/ⴲ“, ⵖⴰ ⴰⴷ ⴰⴽⴽⵯ ⴷ ⴰⵏⵥⴰ ⴰⵏⵖⴱⴰⵍ ⴼ ⵉⵡⴰⵍⵉⵡⵏ ⴰⴷ ⴽⵓ.

ⵉⵎⴷⵢⴰⵜⵏ:
ⴱⴰⴱⴰ → ⵠⴰⵠⴰ
ⴰⴱⵔⵉⴷ → ⴰⵠⵔⵉⴷ
ⵉⴱⵣⴳ → ⵉⴲⴵⴻⴵ
ⵜⴰⴱⴱⵓⵔⵜ → ⵜⴰⴲⴲⵓⵔⵜ

ⴰⵙⵉⵏⴰⴳ ⴰⴳⵍⴷⴰⵏ ⵏ ⵜⴷⵍⵙⴰ ⵜⴰⵎⴰⵣⵉⵖⵜ ⵖ ⵜⴳⵍⴷⵉⵜ ⵜⴰⵎⵓⵔⴽⵓⵛⴰⵏⵜ ⵉⴹⴼⵕ ⵜⴰⴱⵔⵉⴷⴰ ⵏ ⵓⵙⵓⵙⵔⵓ ⴷ ⵓⵙⵏⵎⴰⵔⵔⴰ ⴰⵙⵔⵖⵉⵏ, ⴰⴷ ⵉⴳ “ⵠ” → “ⴼ“, ⵉⴳ “ⵒ” → “ⴱ“.

ⵉⵎⴷⵢⴰⵜⵏ ⴼ ⵜⵎⵣⵡⴰⵔⵓⵜ:
Voltaire → فولتير
Television → تلفاز
Vienna → فيينا
ⴰⵜⴳ…

ⵣⵔⵉⵏⵜ ⵎⵏⵏⴰⵡⵜ ⵜⵉⵎⵔⴰⵡⴰⵏⵉⵏ ⴼ ⵜⵣⴳⵍⵜ ⴰⴷ ⵍⵍⵉ ⵉⵙⴽⵔ ⵓⵙⵉⵏⴰⴳ, ⵎⴰⵛ ⵉⵇⵇⴰⵏ ⴷ ⴰⴷ ⵏⵙⵙⴰⵖⴷ ⵎⴰⴷ ⵉⴳⴰⵏ ⴰⵔⵎⵉⴷⵉ ⵡⴰⵅⵅⴰ ⵜ ⵉⵏⵓⵎ ⵓⴳⴷⵓⴷ.

ⵜⴰⵎⵢⵓⵔⵜ ⴽⴰ ⴰⴷ ⵜⴳⴰ, ⵓⵔ ⴷ ⵓⴳⴳⴰⵔ!